22.04.2024
ШАГ " Я и культура"
Блок«Яі Культура»
Тэма«Нашы падарожжы па Беларусі»
Мэта: фарміраваць у дзяцей каштоўнаснае стаўленне да сваёй краіны і сваёй малой радзімы.
Задачы: пашырыць веды вучняў пра Беларусь; развіваць пазнавальную актыўнасць і творчыя здольнасці вучняў праз настольную гульню - віктарыну «Беларусь: гісторыя і сучаснасць»; выхоўваць любоў да сваёй Радзімы.
Мы, беларусы – мірныя людзі,
Сэрцам адданыя роднай зямлі,
Шчыра сябруем, сілы гартуем
Мы ў працавітай, вольнай сям’і.
Слаўся, зямлі нашай светлае імя,
Слаўся, народаў братэрскі саюз!
Наша любімая маці-Радзіма,
Вечна жыві і квітней, Беларусь!
З дзяржаўнага гімна
29 красавіка ў 7 класе, у рамках рэалізацыі адукацыйнага праекта «Школа Актыўнага Грамадзяніна» для вучняў V - VII класаў, была праведзена класная гадзіна па тэме «Нашы падарожжы па Беларусі».
На пачатку занятку настаўніца зачытала словы з Дзяржаўнага гімна Рэспублікі Беларусь, дзякуючы якім рабяты вызначылі, аб чым пойдзе гаворка на мерапрыемстве.
Затым Лілія Яўгеньеўна азнаеміла з правіламі гульні - віктарыны «Беларусь: гісторыя і сучаснасць», прадставіла вядучага, падрыхтаванага аднакласніка, і прапанавала пасля гульні скласці арт –праект “ Наша любоў да Беларусі”.
Настольная гульня “Беларусь. Гісторыя і сучаснасць” праводзілася па наступных тэмах: «Геаграфія», «Гісторыя», «Біялогія», «Мастацтва» і «Прамысловасць». Гульнёвае поле мае абрысы карты Беларусі на якой размешчаны населеныя пункты, гісторыка-культурныя аб’екты, рэкі, птушкі і жывелы, якія насяляюць нашу краіну. Вучні працавалі ў парах, па чарзе кідалі кубік, а пасля параішыся выбіралі з чатырох варыянтаў правільны адказ. Калі адказ быў правільны, то вучні перасоўвалі сваю фішку ўперад, а калі адказ быў няправільны, то вучням трэба было ўспомніць верш, казку, песню на беларускай мове. Прыемным момантам для вучняў было выпаданне “джокера”, дзе можна было прасунуцца наперад на 10 клетачак, а пасля па спецыяльным прыкладанні
«АІV – дапоўненая рэальнасць» паглядзець цікавы відэаролік праз GooglePlay.
Вучні з захапленнем пагрузіліся ў атмасферу гульні, якая прапанавала ім не толькі забавы, але і адукацыйны вопыт. Яны падарожнічалі праз гістарычныя эпохі, адкрываючы для сябе ключавыя падзеі, асобы і дасягненні нашай краіны. Настольная гульня" Беларусь: гісторыя і сучаснасць " стала выдатным інструментам для зносін і ўзаемадзеяння паміж удзельнікамі мерапрыемства. Падчас гульні вучні абмяркоўвалі гістарычныя факты, дзяліліся сваімі ведамі і ўражаннямі пра Беларусь.
Арт-праект" Наша любоў да Беларусі", створаны вучнямі, уяўляў сабой партрэт нашай краіны праз прызму іх уласных перажыванняў, эмоцый і пачуццяў. У гэтым праекце кожны ўдзельнік, выкарыстоўваючы свой талент і творчы падыход, выказаў сваю ўнікальную любоў да Беларусі.
Завяршальным этапам мерапрыемтсва стала заданне “ Мастак”, дзе вучні малявалі не фарбамі , а словамі.Ім неабходна было стварыць карціну аб нашай Радзіме. Кожнае прыгожае слова растлумачыць.
Пад гукі апладысментаў для пераможцаў і вялікай колькасці радасных усмешак наша мерапрыемтва закончылася. Яно пакінула ў сэрцах кожнага прысутнага кроплю чараўніцтва і радасці.